وصفة دجاجة محشية بدون عظام مع خضرة مفورة

السلام عليكم ورحمة الله وبركاته

بعدما تنزعي للدجاجة العظام وتشوطيها فرشي ورق ألمنيوم وذرذري عليها الملح وفلفل أسود وشوية زعيترة ضعي الدجاجة ثم ذرذري عليها الملح وفلفل أسود. الحشو: غلي كمية من الأرز واتركيها جانبا , قلي حبة بصل مقطعة ملح فلفل أسود امبعد كي يتقلاو ضفي لحم مرحي وكي يطيب لحم مرحي ضفي الأرز لي غليتيه واحد الكأس فقط وقطعي معدنوس وشوية ثوم. كي يبرد الحشو كسري حبة بيض وخلطيه مليح ثم احشي الدجاجة وروليها. وشدي الخيط وروليه مع الأول بالطول وديري عقدة ثم بالعرض عدة خيوط حتى تشكليه رولي. ادهنيه بالموتارد ودخليه يطيب مدة ساعة تقريبا على نار هادئة 180° واقلبيه من حين لأخر وادهنيه كلما تقلبيه بالزبدة. يمكن تقديمه مع خضرة مفورة اومبعد تجوزيها في المقلاة مع ملعقة زبدة وملح وفلفل أسود ومعدنوس. 

صحة وهنا.

-أم لينة-