وصفة ملكية جد رااااائعة

السلام عليكم ورحمة الله وبركاته

مقادير البيسكوي:

انا المول ديالي 20/20 مربع 

2 بيض ضربيهم مليح مع 50غ سكر حتى يتضاعف الحجم ثم ضفي 50غ فرينة مغربلة مع 10غ كاكاو وفاني ضفيهم بلعقل 

ضعيه يطيب ثم شربيه كأس سكر مع كأس ونص ماء 10 دقائق ثم عطرتو بعطر البرالن

طبقة كريب فايتين هما ماشي متواجدين في الجزائر مستورد عبارة عن قوفريط رقيق دون حشو يمكن إستبداله بعلبة قوفريط ذوق شيكولاطة أرحيها بيدك ماشي فتات ضفي ملعقتين برالن وعلبة شيكولاطة ذائبة طميها بحذر ضعيها فوق البيسكوي واضغطي مليح.

وصفة لاموس:

ضربي كأس كريمة سائلة مع 200غ شيكولاطة الطلي مثل نيتيلا أو ماكسون أو مايشابه ثم طلعي كأس شونتي وضفيه للخليط الأول ضعيه فوق الطبقة الثانية.

وصفة صنع البرالن:

كأس سكر ذوبيه تتحصلي على كرامال ضفي المكسرات واش عندك حوالي 120غ خليها تتكرمل خليها تبرد ثم أرحيها في بلاندور لكن كل مرة وقفيه خاطر تطول حوالي نصف ساعة حتى تولى تشبه لزبدة الكاكاو تولي سائلة 

ملاحظة: البرالن غير ضروري يمكنك الإستغناء عنه

القاناج:

درت 200غ شيكولاطة مع 25غ حليب ذوبتها وضفتها وكي برد 6 ساعات في المجمد نحيت المول بحذر.

التزيين هداك الأصفر الذي تتسائلون عنه هو جال يباع في قارورات صغيرة ضفته بعد مادرت القاناج.

هذه هي صورته:

للإحتفاظ بالوصفة مكتوبة :

صحة وهنا.

-أم لينة الجزائرية-