وصفة المتقبة وأسرار نجاحها

السلام عليكم ورحمة الله وبركاته

المقادير:

ثلاث كيلات سميد متوسط نوعية رفيعة أنا إستعملت سيم أو عمر بن عمر المهم يكون أصفر وشباب.

نصف كيلة سمن ذايب وبارد

ملعقة صعيرة ملح

لافاني

ملعقة لحظة تقدروا تستغناو عليها

طريقة التحضير:

تبسي كلش بيدك مليح ثم تلميها بماء الزهر حتى تصبح عجينة لكن ماتعجنيهاش باش تجي مرملة

شكليها بأي طابع ثم قطعيها مقروطات

سخني الزيت مليح ثم ترمليها تتقلى نقصيلو للنار باش ماتحمارش وتقعد لداخل خضراء كي تنحيها مباشرة للعسيلة خليها شوية ثم ضعيها في كسكاس ثم العسل لي ينزل من التحت عاودي عسليهم للمرة الثانية والثالثة هكا يجو معسلين مشربين ماشي سامطين.

الوصفة مصورة:

صحة وهنا.

-أم لينة الجزائرية-