وصفة مخبز المزيود بأسرارها

السلام عليكم ورحمة الله وبركاته

كيلتان لوز وكيلة جوز مرحيين مع كيلة إلا ربع سكر عادي, فاني, تعودي ترحيهم مع السكر ثم ضعي قطعة زبدة ولميه ببيضة كاملة والباقي صفار حتى يصبح عجينة طرية لكن ماتلصقش فوق ورق الشفاف باش ماتستعمليش الفرينة كي تشكلي خاطر تيبسو شكليهم كيما حبيتي

الطهي هنا ضروري جدا وهو سر نجاحه سخني الفور في أقصى درجة ثم كي تدخليه طفيه وشعلي من الفوق مدة سبع دقائق لا أكثر باش يجي طري ومعسل لأنه إذا طاب بزاف راح يجي يابس

خليه يبرد تماما باش يحكم روحه

القلاساج

طيبي سيرو كأس سكر وزوج كيسان ماء خليهم يغلو مدة ربع ساعة على نار قاوية طفي خليه يبرد.

ضفي منه نصف كأس مع زوج بياض البيض ثلاثة مغارف زيت زوج مغارف ماء الزهر ملعقة ملون أبيض وهذا السر باش اللون لي تضيفيه ممبعد يخرح رووووعة 

ضفي سكر ناعم مغربل حتى تتحصلي على عجينة ماشي لابات لكن تولي ثقيلة ضفيلها ملون أنا إستعملت لي كستري لي فيه اللون والذوق مثلا ذوق فراولة يعطيك لون الفراولة اغطسيهم لازم كي تحطي الحبة ماتهبطش الطلية بزاف.

خليهم ينشفو دهنتهم بلماع أبيض زينتهم بشبيكة وعجينة السكر.

صحة وهنا.

-أم لينة-