وصفة المحاجب والمسمنات

السلام عليكم ورحمة الله وبركاته

العجينة كيلو سميد من الأحسن سوسيمي أو عمر بن عمر أو الوردة البيضاء أو ماما مع كيلة فرينة سيم العادية أو المخصصة للمعارك رائعة.

ضيفي زوج مغارف كبار خل أبيض شرط ماشي الأسود والسر تاعو يعاون العجينة با ما تتقطعش هو محسن للعجائن دوما وحدة خميرة تاع الحلوى نوارة

تجمعي الكل بالماء وتعجنيها مليح مدة ربع ساعة ثم تضيفين الملح وتزيدي تعجني حتى تتحصلي على نبولات تضيفي الماء بالتدريج وتعجني ما تخليش العجينة تولي تلصق كي تشوفيها عملت نبولات ضعيها في كيس شمخيه بماء ساخن جدا واغلقي مليح  خليها ترتاح ساعة ثم افتحي الساشي وقرصيها بالزيت وضعيها في صينية وادهنيهم بالزيت وغطيهم ببلاستيك مدة ساعة هذه المدة راح ترتاح العجينة وتطلق روحها قدما تكسليها ما تتقطعش.

حضري الحشو انا نقطع البصل ونقليه مع الحار مقطع نخليه حتى يذبال نقشر الطماطم ونصفيها من الماء مع سنة ثوم نطيبها وحدها ثم كي تطيب نضيف ملعقة عكري وطماطم مصبرة ونخلط الكل ونطفي 

والحشو لابد أن يكون بارد

وكي تحلي الورقة راح تتحل بسرعة ومايدوش الزيت.

صحة وهنا.

-أم لينة-