السلام عليكم ورحمة الله وبركاته
أولا حمصي علبة تليتلي في المقلاة مع ملعقة زبدة اومبعد كي تتغير لونها تولي ذهبي ضعيها في صحن غامق تكوني سخنتي كاسرونة ماء يغلي غير يغلي ضعيه فوق التليتلي وخليه حتى يتضاعف حجمه مدة ربع ساعة
صفيه من الماء وضعي قطرات زيت وملح ثم فوريه للمرة الأخيرة مايحتاجش أكثر لأنه كي يتشمخ بالماء يولي لين نوعا ما.
في صحن زجاجي ادهنيه بالزبدة ثم فرشي التليتلي تاعك.
لاصوص:
ارحي حبة بصلة كبيرة ثم ضعيها في قدرة مع قطع دجاج زيت حمص ملح فلفل أسود رأس الحانوت شوية عكري.
خليهم يتقلاو مليح ثم مرقي وخلي الدجاج كي يطيب الدجاج نحيه وضفي الجزر واللفت بعدما قشرتيهم وخليهم يطيبو ثم ضيفي ملعقة طماطم مصبرة وخليهم يطيبو ثم كي تطيب الخضرة انزعيها
سقي التليتلي بهديك المرقة وخلي شوية بجيه ثم دخليها للفرن مدة ربع ساعة فقط باش يتجمر مع الجاج والجاج ادهنيه بالزبدة.
خرجيها وقدميها مع الخضر صدقوني جد طيبة.
صحة وهنا.
-أم لينة-
تعليقات
إرسال تعليق